Cebu loves Enchong Dee
This article is in Cebuano dialect. If anyone can translate the full article, please tell us. Thank you! 
Dili na gyud ikalimod nga usa na sa labing sikat nga bituon sa showbiz ang batan-ong aktor, modelo ug swimmer nga si Enchong Dee. Kini kung basehan ang gipakita nga suporta sa iyang mga supporters sa gipahigayon nga fans day diha sa Grand Fiesta Mall sa dakbayan sa Talisay niadtong milabay nga Sabado.
Pag-abot pa lang ni Enchong sa dapit gikagubtan na dayon siya sa iyang mga fans, hinungdan nga nagkabuang ang security group pag-control sa bagang duot sa mga tawo nga mihugop sa gisakyan niini. Hinuon, malampuson siya nga nadala sa backstage, paglikay sa kasamok.
Bisan pa man sa naglagiting nga kainit sa adlaw, wala kini igsapayan sa iyang mga fans, makita lamang nila ang ilang idolo nga si Enchong. Ug wala sila pakyasa sa young actor tungod kay wala kini pugong-pugong paghimamat sa iyang mga fans ug abtik pa kaayong misalmot sa giandam nga parlor games.
Una niini, nangayo og dispensa si Enchong nga wala siya makakuyog nila ni Kris Aquino ug Boy Abunda niadtong Hunyo diha sa Lapu-Lapu gumikan matud pa kay nalangay ang iyang flight.
Aminado siya nga ang mga Sugbuanon maoy labing mainiton kaayo ang paghangop kaniya, itandi sa ubang mga dapit, hinungdan nga kanunay siya nga mapasalamaton niini.
Mapasalamaton pud si Enchong sa hugot nga suporta sa mga fans sa ilang love team ni Erich Gonzales. Pero sa pangutana kung unsa na ang estado karon sa ilang relasyon ni Erich, wala gihapoy kausaban ang tubag ni Enchong.
“Ganun pa rin… pareha ng dati. Kung ano man ang meron sa amin ngayon, amin na lang muna.”
Pagkakaron ang fashion-serye nga Magkaribal maoy mikaon sa dakong oras ni Enchong diin kauban gihapon sila ni Erich. Apan gumikan niining maong proyekto niya sa ABS-CBN, na-intriga usab siya ngadto sa iyang co-star nga si Bea Alonzo, kinsa iyang giangkon nga iyang “crush.” Pero kutob ra matud pa niining maong pagbati ang tanan, sanglit mas bililhon para niya ang ilang panaghigalaay ni Bea.
“She’s the kind of friend that I would keep,” hulagway pa niya kang Bea.
Samtang paambit ni Enchong nga dili lalim ang iyang papel sa Magkaribal isip pobre nga ulitawo nga nagdako sa Divisoria, sanglit gikan man siya sa arangan nga pamilya sa tinuod nga kinabuhi. Tungod niini niya pa, iyang gitun-an og maayo ang kinabuhi sa mga tawo sa Divisoria, pinaagi sa pag-istar sa maong dapit sulod sa usa ka adlaw. Nasayran nga gawas sa Magkaribal, duna usab siyay gihimo nga pelikula nga isalida sa dili pa matapos ang tuig.
Si Enchong Dee na gyud tungod kay pabilin siya nga mapaubsanon ug buotan, walay kalainan sa unang higayon nga nahinabi ug nahimamat nako siya, pipila na ka buwan ang milabay!
* * *
Ang meet and greet with Enchong Dee dinhi sa Sugbo niadtong Sabado, gidalit sa maayong kabubut-on sa Coca-Cola Export Company, tiggama sa Eight O’clock.
source: Philippine Star
ASAP 2012
Loading ...
Pingback: Tweets that mention Enchong Dee • EnchongDeeWorld.COM • Your #1 source for Enchong Dee. » Cebu loves Enchong Dee -- Topsy.com